Музејот „Лувр“, културното срце на Париз и дом на светски ремек-дела, денеска останува со катанци на вратите. Причината е едногласен штрајк на вработените, кои кренаа глас против катастрофалните услови за работа и хроничниот недостиг на средства.
Ezoic - wp_under_page_title - under_page_title
End Ezoic - wp_under_page_title - under_page_title
Утрово, додека првите туристи се собираа пред велелепното здание, најмалку 400 вработени одржаа Генерално собрание. Повикот за бојкот на синдикатот беше драматично прифатен едногласно кратко по 10 часот, потврдува денешен „Монде“.
„Се подготвуваме за силна мобилизација. Ќе имаме многу повеќе штрајкувачи од вообичаено“, изјави Кристијан Галани од ЦГТ, мнозинскиот синдикат во „Лувр“.
Ezoic - wp_under_first_paragraph - under_first_paragraph
End Ezoic - wp_under_first_paragraph - under_first_paragraph
Неколку десетици разочарани туристи залудно чекаа пред влезот, за да бидат вратени од вработените со порака да не се враќаат пред пладне, пренесе „БФМ“ телевизијата.
Состојбата е алармантна. Вработените со својот штрајк ги истакнуваат не само лошите услови за работа, туку и погорчливото искуство што го имаат посетителите.
Ezoic - wp_under_second_paragraph - under_second_paragraph
End Ezoic - wp_under_second_paragraph - under_second_paragraph
Администрацијата на Музејот сега трескавично брои кој не штрајкува, разгледувајќи ја можноста барем делумно да го отвори комплексот. Но, со ваква силна мобилизација, целосно затворање на „Лувр“ е реална опасност.
Барањата на синдикатите го тресат и Министерството за култура. Изминатата недела се одржаа итни состаноци, вклучувајќи го и министерот, со цел да се избегне срамното затворање токму пред божиќните празници.
Ezoic - wp_mid_content - mid_content
End Ezoic - wp_mid_content - mid_content
Француските медиуми пренесуваат дека министерот ветил целосно поништување на планираното намалување од 5,7 милиони евра на државното финансирање за 2026 година – огромен пресврт, издејствуван со заканата од штрајк.
Покрај финансиската криза (Музејот доби 98,2 милиони евра државни субвенции во 2024 г.), управата се соочува и со горливи прашања за катастрофалните безбедносни пропусти што им овозможија на крадците на 19 октомври да украдат осум скапоцени предмети, кои сè уште се водат како исчезнати.
