Поради изведување на бајпас на новата водоводна линија на улицата „Јордан Златановски“, привремено е прекинато снабдувањето со вода за пиење во еден дел од Тетово.
Од ЈКП „Шар“ информираат дека нивните екипи се на терен и работат со засилен интензитет со цел што побрзо да се надмине проблемот и да се воспостави нормално водоснабдување.
Надлежните апелираат до граѓаните за разбирање и трпение, додавајќи дека снабдувањето со вода ќе биде нормализирано веднаш по завршување на санацијата на водоводната линија.
